آلياتك في التعدين تحت عينك — من تلفونك
المشرف في الموقع بيسجّل كل يوم من تلفونه: ساعات كل لودر وقلاب، شغل الليل، الجازولين، الإيجار، والأعطال. إنت بتشوف الصورة كاملة وإنت في عطبرة أو الخرطوم — من غير ما تركّب أي جهاز.
الخسارة بتحصل وين؟
الجازولين غالي، والموقع بعيد، وما بتقدر تكون فوق راس كل آلية. النظام بيخلي كل رقم مكتوب وباسم الزول الكتبه.
شغل الليل
ساعات الليل بتتسجّل منفصلة لكل آلية، وأي ساعة بالليل بتطلع في شاشة «اليوم» وفي التقرير.
الجازولين
قراءة التانك كل يوم: كم فضل، كم يوم باقي، ومتين تطلب التنكر. النقص الغريب بيبان من المقارنة.
الساعات والصيانة
عداد المحرك بيتسجّل، والنظام بيذكّرك بغيار الزيت قبل ما المكنة تتعطل.
الإيجار والأعطال
كل آلية مؤجرة لمنو وبكم، والإيجار بيتجمّع. والآلية العطلانة أو الما اتسجلت بتظهر ليك طوالي.
ده التقرير البتشوفه كل يوم
بالعربي، فيه الآلية والرقم — وبتقدر ترسله لشريكك في الواتساب بضغطة.
الأسعار
اشتراك شهري للنظام، وأول شهر مجاناً. الأجهزة ما شرط.
الأساسي
$10 في الشهر
- نشاط واحد وموقع واحد
- حتى 3 أشخاص (إنت + 2)
- التسجيل من التلفون، شاشة اليوم، والتقرير اليومي
الأعمال
$25 في الشهر
- نشاط واحد، حتى 5 مواقع أو فروع
- حتى 10 أشخاص بصلاحياتهم
- استيراد بياناتك من Excel، ونجهّز حسابك معاك
الشركات
$50 في الشهر
- أكتر من نشاط، ومواقع وأشخاص بلا حد
- متابعة شهرية معاك ومع فريقك
- أولوية في الدعم في الواتساب
أول شهر مجاناً في كل الباقات — من غير أي جهاز ومن غير ما تدفع حاجة. بعده بتدفع كل شهر بالدولار، ببنكك بسعر اليوم أو كاش، وتقدر توقف أي شهر.
أجهزة لمن عايز رقابة أكتر
النظام شغال كامل من غير أجهزة. لو عايز أرقام ما بتعتمد على زول — مكان الآلية، ساعات المحرك الحقيقية، لترات التانك — بنضيف ليك أجهزة تتبع وحساسات. سعر الجهاز والتركيب مرة واحدة، وفي رسم شهري صغير لكل جهاز، وبنرسل ليك عرض مكتوب قبل أي حاجة.
شوف الأجهزة الإضافيةأول شهر مجاناً
ما بنطلب منك تصدّقنا. جرّب بآلياتك إنت وشوف الأرقام.
سجّل من تلفونك
افتح نشاطك واختار «محطات وقود وآليات». أو رسّل لينا في الواتساب ونحن بنفتحه معاك.
نجهّز حسابك
رسّل لينا أسماء آلياتك ومواقعك (ولو في ملف Excel أحسن)، ونضيفها ونعلّم المشرف يسجّل في دقيقة.
بعد شهر تقرر
لو النظام نفعك، بتواصل بالشهر. لو لا، ما بتدفع حاجة.
أسئلة أصحاب الآليات
لازم أركّب جهاز في الآليات؟
لا. النظام شغال كامل من التلفون: المشرف بيسجّل وإنت بتتابع. الأجهزة إضافة اختيارية برسوم منفصلة، لمن عايز رقابة ما بتعتمد على زول.
المشرف ممكن يكتب أرقام غلط؟
النظام بيرفض الأرقام المستحيلة (أكتر من 24 ساعة في اليوم، ليل أكتر من اليوم، عداد راجع لورا)، وكل تسجيل باسم الزول الكتبه ووقته. والآلية الما اتسجلت بتظهر ليك.
بياناتي بيشوفها منو؟
إنت والناس الإنت ضفتهم بس. ما بنشارك بيانات أي زبون مع أي جهة، ولا بنبيعها.
الموقع ما فيه شبكة كويسة.
النظام خفيف وبيفتح مع النت الضعيف، والمشرف ممكن يسجّل يوم الآلية لما يلقى شبكة في نفس اليوم.
بدفع كيف؟
اشتراك شهري بالدولار، ببنكك بسعر اليوم أو كاش، وأول شهر مجاناً. تقدر توقف أي شهر. الأجهزة — لو طلبتها — ليها عرض منفصل.
جرّب شهر كامل مجاناً
أبوحمد، العبيدية، عطبرة، بربر، دار مالي، دلقو، وولايات الشمالية ونهر النيل والبحر الأحمر.